尖沙咀日本料理餐廳

因為哥哥要試ok鏡的關係，我哋成日都要去尖沙咀the one。見到5樓有間OpenRice選為最優秀日本菜餐廳開飯熱店的古今二就二話不說即刻去試吓啦🤭 上一次在銅鑼灣試過古今，但係我覺得食物冇尖沙咀呢間咁好，呢間嘅座位都舒適好多上次嗰間感覺好嘈，好窄。 呢間好適合三五知己，一大班朋友聚會，可以嗌好多唔同種類嘅日本串燒、壽司、刺身或小食慢食住飲住傾，令媽媽想起以前在日本讀書交流的日子。 餐廳嘅刺身好吸引，不過因為小朋友唔食得魚生，所以我只係叫咗兩款，但係佢嘅擺盤都好講究，仲有乾冰嘅效果，好靚🫶🏻 🌟火炙左口魚裙邊刺身（8.9/10） 本身我唔係太鍾意三文魚生食，反而鍾意左口魚嘅質地，火炙左更加突顯佢嘅油香味👍 🌟帆立貝 （9.2/10） 帆立貝夠厚夠新鮮，仲有少少蟹籽做點綴，雖然只係叫一個刺身佢都整到刺身花咁，表現到依間餐廳嘅誠意同講究。 🌟炸雞芝士卷 （8.5/10） 因為細佬仔好鍾意芝士嘅關係，我叫咗呢個卷物，濃濃嘅芝士加上香脆嘅炸雞，味道超夾，一定好受小朋友歡迎。 🌟超級龍卷風🌀（9/10） 其實古今二好出名創作嘅卷物，有好多好特色嘅新配搭都幾有創意同好食，但係今次我叫咗呢個超級龍捲風，係有鰻魚，海老、芝士、青瓜、脆片。脆片即係薯片碎，海老炸到脆卜卜，加上靑瓜的清新爽脆，再加上脆片、芝士不同的口感同軟硬度，味道好得意。 🌟仙台牛舌煎（9.3/10） 呢個仙台牛舌不是一塊塊，而是一粒粒，所以唔會好韌，小朋友都食到，好惹味。一啖一粒好好味，如果飲酒嘅朋友，送酒一流。 🌟芝士年糕 （9/10） 外面脆裏面包住煙煙韌韌嘅年糕，係兩兄弟嘅至愛。 🌟日本炸餃子（8.8/10） 雖然都有啲熱氣，不過忍唔住叫咗呢個炸餃子，炸都好脆又夠熱。平時好怕喺外面餐廳食嘅餃子又凍又硬，但係呢間唔會所有熱食的食物都好夠熱。 古今二 (the one ) 📍尖沙咀彌敦道100號The ONE 5樓 502號舖 #古今二 #日本餐廳 #尖沙咀 #尖沙咀美食 #尖沙咀theone #居酒屋 #tsimshatsui #japanese #japanrestaurant #foodie #居酒屋 #brotherhood